நவக்கிரக ஸ்தோத்திரம்

சூரியன்: செம்பருத்திப் பூ போன்ற நிறமுடையவரும், காச்யப முனிவரின் மைந்தரும், பேரொளி உடையவரும், இருளின் பகைவரும், எல்லாப் பாவங்களையும் அழிப்பவருமான சூரியனை வணங்குகிறேன்.

சந்திரன்: தயிர், சங்கு, பனி போன்ற வெண்மை உடையவரும், பாற்கடலில் தோன்றியவரும், சிவனின் முடியில் அணிகலனாக விளங்குபவருமான சந்திரனை வணங்குகிறேன்.

செவ்வாய்: பூமியின் மைந்தரும், மின்னல் போன்ற ஒளி உடையவரும், சக்தி ஆயுதம் ஏந்திய இளைஞருமான மங்களனை வணங்குகிறேன்.

புதன்: ப்ரியங்கு மொட்டுப் போன்ற கருநிறமும் ஒப்பற்ற அழகும் அமைதியான குணமும் உடைய புதனை வணங்குகிறேன்.

குரு: தேவர்களுக்கும் முனிவர்களுக்கும் குருவானவரும், பொன்னிறம் உடையவரும், அறிவே வடிவானவருமான பிருகஸ்பதியை வணங்குகிறேன்.

சுக்கிரன்: பனி, முல்லை மலர், தாமரைத் தண்டு போன்ற வெண்மையானவரும், அசுரர்களின் குருவும், எல்லா சாஸ்திரங்களையும் அறிந்தவருமான சுக்கிரனை வணங்குகிறேன்.

சனி: கருமை நிற மை போன்று ஒளிர்பவரும், சூரியனின் மைந்தரும், யமனின் தமையனும், சாயா தேவிக்கும் சூரியனுக்கும் பிறந்தவருமான சனீஸ்வரனை வணங்குகிறேன்.

ராகு: பாதி உடல் கொண்டவரும், பெரும் வீரம் உடையவரும், சூரிய சந்திரர்களை மறைப்பவரும், ஸிம்ஹிகையின் மைந்தருமான ராகுவை வணங்குகிறேன்.

கேது: புரசம் பூ போன்ற நிறமுடையவரும், நட்சத்திரங்கள் கிரகங்களுக்குத் தலைவரும், உக்கிரமானவருமான கேதுவை வணங்குகிறேன்.

பலச்ருதி: வியாசர் அருளிய இந்த ஸ்தோத்திரத்தைப் பகலிலோ இரவிலோ மனமொன்றிச் சொல்பவருக்குத் தடைகள் நீங்கும்; கெட்ட கனவுகள் அழியும்; ஒப்பற்ற செல்வமும் ஆரோக்கியமும் வளரும்; கிரகங்களாலும் நட்சத்திரங்களாலும் திருடர், தீ ஆகியவற்றாலும் வரும் துன்பங்கள் எல்லாம் அடங்கும் — இதில் சந்தேகமில்லை என்று வியாசர் கூறுகிறார்.