முத்தைத்தரு பத்தித் திருநகை — திருப்புகழ்

வாழ்க்கையில் விரக்தியடைந்து திருவண்ணாமலைக் கோபுரத்திலிருந்து விழ முயன்ற அருணகிரியை முருகன் தாங்கிக் காப்பாற்றி, "முத்தைத்தரு" என்று அடியெடுத்துக் கொடுத்துப் பாடச் சொன்னதாக மரபு கூறுகிறது. அதுவே முதல் திருப்புகழ்.

பொருள் (சுருக்கம்):

• முத்துப் போன்ற வெண்பல் வரிசை உடைய தெய்வயானையின் தலைவனே, சக்தி வேல் ஏந்திய சரவணனே, முக்திக்கு வித்தான குருபரனே என்று போற்றப்படுபவனே;
• முக்கண்ணனான சிவனுக்குப் பிரணவப் பொருளை உபதேசித்தவனே; மும்மூர்த்திகளும் முப்பத்து முக்கோடி தேவர்களும் அடிபணியும் பெருமானே;
• பத்துத் தலை ராவணனை அம்பெய்தி வீழ்த்தியவனும், பகலை இரவாக்கிய சக்கரம் ஏந்தியவனுமான பச்சைமேனித் திருமாலும் மெச்சும் பொருளே — என்னை அன்புடன் காத்தருளும் நாள் ஒன்று வருமா?
• இறுதிப் பகுதி, அசுரர்களுடன் முருகன் போர் புரிந்த களத்தின் ஒலிகளைத் "தித்தித்தெய", "குக்குக்குகு" என்ற சந்தங்களால் கண்முன் நிறுத்துகிறது.